வெந்து தணிந்தது..




கங்கை சிந்து காவிரியாய் -நீள்
கோதா வரியுடன் சரஸ்வதியாய்
பொங்கிய நதிகளை மாதர் என்பார்-நிதம்
போற்றியே அவை தினம் தொழுதிடுவார்

கலைமகள் மலைமகள் அலைமகளாய் -உயர்
காளியாய் மேரியாய் மாரியளாய் - புவி
கண்கண்ட தெய்வங்கள் யாவையுமே -இங்கு
காரிகை வடிவம் என்றுரைப்பார்
 
பாரத தாயையும் பெண் என்பார் - மிகை
பாரதர் அவள் பெறு பிள்ளை என்பார்
மரத்தையும் பசுவையும் பூமியையும்- தினம்
மாதர் என்றே அவர் கைதொழுவார்

ஈங்கிதைக் கேட்டு வையமெலாம் உள்ள
மங்கையர் யாவரும் பாரதத்தில் - வந்து
மாதராய் பிறந்திட ஏங்கி நின்றார் - மெய்
அறிந்தபின் அவரே மனம் பதைத்தார்

கருப்பை சுமப்பது பெண்ணை என்றால் -அந்த
கருவறை ஆனது கல்லறையாய் 
அதற்கும் தப்பி அவள் பிறந்தால் -உயிர்
அறுத்தது நெல்மணி, கள்ளிப் பால்

வீட்டினில் பெண்டிரை பூட்டி வைத்தார் -பின்
வெளியினில் அனுப்பிட காவல் வைத்தார்
தீட்டு என்றே சொல்லித் தள்ளி வைத்தார் -வெறும்
மாட்டை விற்பதுபோல் மண முடித்தார்

கருப்பை சுமந்திடும் கடவுளவள் - அவள்
விருப்பை வெறுப்பை எவர் அறிந்தார்?
நெருப்பை நெஞ்சினில் பல காலம் - தம்
இருப்பென வலியுடன் அவள் சுமந்தாள் 

பூமிகொள் தீயும் ஒரு நாளில்-பிளம் 
பொங்கிட வெடிப்பது இயல்பல்லவோ
தங்கிய அவள் சினம் வெடித்திடவே -இன்று
ஓங்கிய புதுயுகம் பிறந்த தன்றோ.. !

சாதம் வடித்திட்ட அவள் கரங்கள் -இன்று
சரித்திரம் வடித்திடக் காண்கின்றோம் - புது
வேதம் படைத்திடும் மாதரவர் - மிகு
வீரத்தைக் கண்டு மெய் சிலிர்க்கின்றோம்

பாரத வீதியில் உலவுகிறாள் - உயர்
பாரதி கண்ட புதுமை பெண் - அவள்
வீதியை மறித்திட்ட விஷச் செடிகள் - இன்று
வெந்து தணிந்ததை காண்பீரே.. !

Comments

Post a Comment

Popular posts from this blog

கனவுலகம்

Image
கனவுகளால் ஒரு உலகம் சிருஷ்டி. உள்ளே போய் கதவடைத்துக்கொள் உன் மகிழ்ச்சி, உன் துயரம் உன் வெற்றி-தோல்வி உன் நம்பிக்கை, உன் சந்தேகம் உன் பக்தி-பகுத்தறிவு உன் பெருமை, உன் அவமானம் உன் உயர்வு-தாழ்வு உன் கோபம், உன் ஆசை உன் ரசனை-வெறுப்பு யாவுமிருக்கட்டும் பாதுகாப்பாய் உள்ளேயே.. அறிவாய்;அழுக்கும் கூட முத்தாகும் ஒருநாள், சிப்பிக்குள் அடைகாக்கப்படும்போது.. அன்பிற்கு மட்டும் அனுமதி தா.. உன் உலகதிற்கு வெளியே சென்று உலவட்டும்.. அன்பு மட்டுமே அகிலத்திற்க்கும் உனக்குமான தொடர்பு மொழியாகட்டும்.. உனக்குள் களி கொள்.. உனக்குள்ளே அமைதி கொள்.. புறத்திருந்து உன் உலகம் உடைய அனுமதிக்காதே.. உள்ளிருந்து அது உடையும் ஒருநாளுக்காக, உன் கனவுகளின் கதகதப்பில் அமைதியுடன் காத்திரு.. இதுவே உன் உயிர் தேடும் இரண்டாம் கருவறை.. ஆன்மாவின் தவம்.. உலகியல் வாழ்வில் எஞ்சி நிற்கும் உன்னதங்களின் இருப்பு..
Read more

Be Present

Image
[A nice article I came through. Friends, Just focus your mind in present and read, then you too will definitely like this. - Subbaiyadhasan] Be Present            The mind is a noisy place. We often get lost in thoughts of a remembered past or an anticipated future. Whether reminiscing or regretting what has happened, or planning or worrying about what might happen, the past and the future steal our attention away from the present. We become mentally absent, on autopilot, forgetting to experience what’s happening right here and now. Life unfolds in the present. The past was, and the future will be, but the present is all that ever is. Now is the moment of power, where all decisions are made, all emotions are felt, all life is lived. Give the present the attention it deserves.         To be present is to experience yourself from moment to moment, awake to the immediacy, the nown...
Read more

ஓ மனமே..

Image
அங்காடி நாயெனவே அலைந்துழலும் நெஞ்சமது துஞ்சாமல் குடித்திடுமுன் ஆற்றலிலே ஒருபாகம் கோபம் பொறாமையுடன் கொடும் ஆசை பல சேர்ந்து கொறித்தே கொல்வதுந்தன் ஆற்றலிலே ஒருபாகம் கொள்கையில்லா வாழ்க்கையினால் குழப்பத்தால் நீ தினமும் குழிதோண்டி புதைப்பதுந்தன் ஆற்றலிலே ஒருபாகம் திட்டமில்லா செயல்களினால் திடமின்றி விரயமென கட்டம்கட்டி கரைப்பதுந்தன் ஆற்றலிலே ஒருபாகம் துயரம் கழிவிரக்கம் தூங்காமல் செய்துன்னை துடிதுடிக்க கொன்றழிக்கும் ஆற்றலிலே ஒருபாகம் ஏக்கத்தில் ஒருபாகம்-வெறும் தூக்கத்தில் ஒருபாகம் கனவுகளில் ஒருபாகம்-வெறும் நினைவுகளில் ஒருபாகம் உலவுகளில் ஒருபாகம்-வெறும் உணர்ச்சிகளில் பெரும்பாகம் முக்காலே மூணுவீசம் முடியெனவே உதிர்ந்துவிட மிச்சமீதி வழித்ததிலே வாழ்க்கையினை வடிவமைத்தாய்.. நோஞ்சான் பிள்ளையென நொடிந்ததுவும் போனதினில் வியப்பென்ன மனமே.. வீணில் புலம்பாதே..!
Read more