எங்கெங்கு காணினும்..

பனித்துளி : சில கேள்விகள் * எந்த தேவதைகள் குளிக்க     இந்த தளிர்கள்     நீர் சுமந்து காத்திருகின்றன  ? * பனித்துளி குடித்து     எப்படி தாகம் தணிகிறான்     சூரியன் ? * ரோஜாக்களின் பருக்கள் மட்டும்     எப்படி இத்தனை அழகாய் ? * தாவரங்களுக்கும்    அம்மை வருமோ ? * பனிக்காற்றுக்கு     புற்கள் மேல் என்ன காதல்..?    முத்துகளால் அலங்கரித்து      பார்க்கிறதே.. ! * மார்கழிக் காலையில்     புல்வெளியைப் பார்க்கின்றேன்..    ஒரு பூமிமேல்     எத்தனை பூமிகள்..! * இரவெல்லாம்    காற்று விதைத்த    முத்துக்களை    காலையில் கதிரவன் ஏன்    அறுவடை செய்கிறான்..? * இந்த பனித்துளிகள்     மலர்மேல் உள்ளவரை    வைரமாயும்      கீழே விழுகையில்    கண்ணீராயும்    தெரிவது ஏன்.. ?