சுவர்களின் சிநேகிதி

வீட்டில் அவளுக்கு

விளங்காத வஸ்து

சுவர்கள் தான்..
தவழ்ந்து சென்று சுவர்களை
ஒரு கையால் தொட்டுப் பார்ப்பாள்..
சுவரில் பூசிய வண்ணத்தின்
சுவையைச் சோதனை செய்வாள்..
அதைத் தொட்டுத் தொட்டு
மேலேறிச் செல்வதுபோல்
எம்பிப் பார்ப்பாள்..
எதுவும் தோன்றாவிடில்
தலையைக் கீழே சாய்த்து
ஒரு கையால்
சுவரைத் தட்டிக் கொண்டிருப்பாள்.
சுவர்களின் உயரம் அவளுக்கு பிரமிப்பைைத் தந்திருக்கலாம்..

அல்லது
அதன் வேறு வேறு வண்ணங்கள்
அவளை ஈர்த்திருக்கலாம்..


ஆனாலும் சுவர்கள் 
சுவைப்பதில்லை..
பெரிதாய் சத்தம்  எழுப்புவதில்லை..
அசைந்து ஆடி வேடிக்கைக்கூட காட்டாமல்
வெறுமனே நிமிர்ந்து நிற்கிறது..
அவள் உலகத்தில் இம்மூன்றும் செய்யாத ஒன்றிற்கு
எந்த மதிப்பும் இல்லை..
குழப்பத்துடன் சுவரைத்
தடவி கொண்டே
என்னைத் திரும்பிப்
பார்த்து லேசாய் புன்னகைக்கிறாள்..
மெதுவாய் எனக்குள்
சொல்லிக்  கொள்கிறேன்
'சுவர்களைப் புரிந்துகொள் மகளே..

நீ பெறக்கூடிய உயர்ந்த அறிவு  அது'

Comments

Post a Comment

Popular posts from this blog

அன்னமய்யா

Image
                            தென்னிந்திய திரையுலகில் கொஞ்சம் வித்தியாசமானவர்கள் தெலுங்கு மக்கள். காதலோ- மோதலோ, செண்டிமெண்டோ- காமடியோ மிகை உணர்ச்சிகளுக்கு பெயர் போனது டோலிவுட். தமிழ் ஹீரோ 20 பேரை அடித்தால் தெலுங்கு ஹீரோ 50 பேரையாவது அடிப்பார். தமிழ் ஹீரோ காதலுக்காக நாக்கை அறுத்தால் தெலுங்கு ஹீரோ கழுத்தை அறுத்துக் கொள்வார். மிகை உணர்ச்சிகள் தமிழ் மக்களுக்கும் பிடித்தவைதான் என்றாலும் டோலிவுட் ரசனைக்கு அவர்கள் இன்னும் வளரவில்லை என்றுதான் தோன்றுகிறது. மிகை உணரச்சிப் படங்களின் மீது என் குழந்தை பருவத்தில் இருந்த ஈர்ப்பு, பதின் பருவங்களில் வடிய தொடங்கியது. தெலுங்கு படங்களுடன் என் அறிமுகம் அன்று அதிகம் இல்லை, (இன்றுவரை குறைவுதான்!) என்றாலும் பார்த்த சில படங்கள் என்னை மிரண்டு ஓட வைத்திருக்கின்றன. அதே காலகட்டத்தில் பின் ஒருநாள் எதேச்சையாக ஏதோ ஒரு தெலுங்கு சேனலில் அன்னமய்யா படத்தை பார்த்தேன்.  நாகர்ஜுன் நடித்தது. அவர் ரட்சகன் மூலம் எனக்கு அறிமுகமாகி இருந்தார். ஆக்சன் படங்களில் ஈடுபாடு மிகுந்த அந்த வயதில் ரட்சகன் என்னை கவர்ந்திருந்தது. ஆகவேதான் அன்னமையாவை சற்று அமர்ந்து பார்த்தேன். சற்றைக்கெ
Read more

சொல்லடா பிரகாசா

வாழ்க்கையே உண்மையில் நோக்கமாய் இருக்கையில், வாழ்க்கையில் எதற்கடா நோக்கங்கள் பிரகாசா..?? சொல்லடா ஞானச் சுயம்பிரகாசா ! ஆதியும் அந்தமும் ஆனவன்உனக்குள்ளே.. அர்த்தமில் தேடல்கள் எதற்கடா பிரகாசா..? சொல்லடா ஞான சுயம்பிரகாசா ! காலமேயானவன் காலமில்லாதவன்-காலம் குறித்தெலாம் கவலையேன் பிரகாசா..? சொல்லடா ஞான சுயம்பிரகாசா ! வாழ்தல் வரமாம் சாதலே சாபமாம் -மாயை இதனினும் வேறெதுப் பிரகாசா..? சொல்லடா ஞான சுயம்பிரகாசா.. ! விண்ணெலாம் நிறைந்தவன் தானேன உணர்ந்தவர் மண்ணிடம் தோற்பதும் நடக்குமோ பிரகாசா.. ? சொல்லடா ஞானச் சுயம்பிரகாசா ! நாடகம் உலகெலாம் நானில்லை நீயில்லை.. அவன் அவள் மட்டுமே அறிவையோ பிரகாசா..? சொல்லடா ஞான சுயம்பிரகாசா ! இருளில்லை ஒளியது.. குளிரில்லை தனலது.. நீயின்றி போகினால் ஏதடா பிரகசா..?சொல்லடா ஞான சுயம்பிரகாசா ! மண்ணெலாம் பொன்னடா.. ரெண்டுமே ஒண்ணடா.. பேதங்கள் செய்வதிடும் பேயெது பிரகாசா..?சொல்லடா ஞான சுயம்பிரகாசா !
Read more